سعودی وزیر خارجہ عزت مآب شہزادہ فیصل بن فرحان بن عبداللہ اور متحدہ عرب امارات کے نائب وزیر اعظم و وزیر خارجہ عزت مآب شیخ عبداللہ بن زاید آل نہیان نے مملکت کے شہری علاقوں پر دہشت گرد حوثی گروہ کے مسلسل حملوں کی مذمت کی ہے۔

یہ مذمت اس ٹیلی فونک رابطے کے دوران سامنے آئی جو اماراتی وزیر خارجہ نے شہزادہ فیصل سے کیا، اور جس میں دونوں رہنماؤں نے خطے کی تازہ صورتحال کا جائزہ لیا۔

دونوں وزرا نے کوششیں جاری رکھنے اور رابطہ کاری و مشاورت بڑھانے کی اہمیت پر زور دیا تاکہ مشترکہ خلیجی عمل کو تقویت ملے، کشیدگی میں کمی آئے، تناؤ کا دائرہ نہ پھیلے اور خطے کی سلامتی و استحکام برقرار رہے۔