ሳዑዲ አረቢያ፦ በመሠረታዊ ሸቀጦች የተወሰነ ዋጋ ላይ የሚፈጸም ጥሰት እስከ 100 ሺህ ሪያል ያስቀጣል

አል ሪያድ ጋዜጣ እንደዘገበው፣ የማዘጋጃ ቤት ጥሰቶች የቅጣት ደንብ በንግድ ሚኒስቴር ሥልጣን ሥር በሚወድቀው ክፍሉ ለበርካታ የንግድ ጥሰቶች የገንዘብ ቅጣት ወስኗል። ከእነዚህም መካከል ለመሸጥ እምቢ ማለት፣ ደረሰኝ አለመስጠት፣ የተወሰነውን ዋጋ መጣስ፣ የምርት መረጃን ማዛባትና የኤሌክትሮኒክ ክፍያ ጥሰቶች ይገኙበታል። ተቋማት እንደ ጥሰቱ ዓይነት የማስተካከያ ጊዜ ይሰጣቸዋል።

በአዲሱ የቅጣት ሰንጠረዥ መሠረት መሠረታዊ ሸቀጦችን በንግድ ሚኒስትሩ ውሳኔ ከተወሰነው ዋጋ በላይ መሸጥ ወይም የሚመለከተው አካል ያወጣውን ዋጋ መጣስ እስከ 100 ሺህ ሪያል የሚደርስና ከ5 ሺህ ሪያል የማያንስ ቅጣት ያስከትላል።

ቅጣቱ የሚሰላው በተወሰነው ዋጋና በመሸጫ ዋጋው መካከል ባለው ልዩነት ሲሆን ለእያንዳንዱ ጥሰት ለተፈጸመበት ምርት በተናጠል ተፈጻሚ ይሆናል።