ملائیشیا نے سعودی عرب میں شہریوں کو نشانہ بنانے والے حملوں کی مذمت کی ہے۔ ملائیشیا کے وزیر خارجہ محمد حسن نے یہ موقف سعودی وزیر خارجہ شہزادہ فیصل بن فرحان بن عبداللہ کے ساتھ ٹیلیفون پر گفتگو کے دوران پیش کیا۔

گفتگو کے آغاز میں ملائیشیائی وزیر نے ان حملوں پر اپنے ملک کی جانب سے مذمت اور ناپسندیدگی کا اظہار کیا اور مملکت کے ساتھ یکجہتی کا اعلان کیا۔ انہوں نے سعودی عرب کی خودمختاری، سلامتی اور استحکام کے تحفظ اور اپنے شہریوں اور وہاں مقیم افراد کی حفاظت کے لیے کیے جانے والے تمام اقدامات کی حمایت کی۔

دونوں وزرائے خارجہ نے دوطرفہ تعلقات کا جائزہ لیا اور علاقائی و بین الاقوامی پیش رفت کے ساتھ ساتھ باہمی دلچسپی کے متعدد امور پر بھی تبادلہ خیال کیا۔