سعودی پریس ایجنسی (ایس پی اے) کے مطابق جنرل ٹرانسپورٹ اتھارٹی (ٹی جی اے) نے نیشنل میری ٹائم اکیڈمی کے تعاون سے بحری شعبے میں کام کرنے والوں کے لیے انگریزی زبان کے ٹیسٹ کا پلیٹ فارم شروع کیا ہے، جس کا مقصد مخصوص بحری انگریزی میں کارکنوں کی مہارت جانچنا اور شعبے کی ضروریات کے مطابق ان کی لسانی صلاحیتیں بہتر بنانا ہے۔

اتھارٹی نے واضح کیا کہ 2027 سے تمام ہدف شدہ زمروں کے لیے اس پلیٹ فارم کے ذریعے انگریزی ٹیسٹ پاس کرنا لازمی ہوگا۔ اس اقدام کا مقصد لسانی مہارت کی جانچ کے معیارات کو یکساں بنانا، کارکنوں کی تیاری بڑھانا اور بحری شعبے کی ضروریات کے مطابق ان کی مہارتیں نکھارنا ہے۔

یہ اقدام انسانی وسائل کی ترقی اور بحری کام کے تقاضوں کے مطابق کارکنوں کی تربیت کے لیے اتھارٹی اور نیشنل میری ٹائم اکیڈمی کی مشترکہ کوششوں کا حصہ ہے، جس سے کارکردگی اور پیشہ ورانہ معیار میں بہتری آئے گی۔

اتھارٹی نے بحری شعبے کے کارکنوں سے https://marineenglish.com.sa/ پلیٹ فارم پر رجسٹریشن کر کے ٹیسٹ دینے کی اپیل کی ہے۔ سعودی بندرگاہوں اور جہازوں پر کام کرنے والے پاکستانی کارکنوں کے لیے یہ بروقت تیاری شروع کرنے کا اشارہ ہے۔