سعودی عرب کی اسمال اینڈ میڈیم انٹرپرائزز جنرل اتھارٹی (منشآت) نے جدہ میں واقع بزنس سپورٹ سینٹر میں کاروباری افراد کی مہارتیں نکھارنے کے لیے رہنمائی اور مشاورتی پروگراموں کا ہفتہ منعقد کیا، جس میں کاروباری افراد اور چھوٹے و درمیانے اداروں کے مالکان کے ساتھ ماہرین بھی شریک ہیں۔

ان پروگراموں کا مقصد شرکا کی صلاحیتوں کو متعدد شعبوں میں مضبوط بنانا ہے جن میں آپریشنز، منصوبہ بندی، حکمت عملی، ٹیکنالوجی، فزیبلٹی اسٹڈی، انسانی وسائل، فروخت و مارکیٹنگ اور اکاؤنٹنگ و مالیات شامل ہیں، جبکہ نئے کاروباری منصوبے قائم کرنے کے لیے انتظامی مشاورت بھی فراہم کی جا رہی ہے۔

رہنمائی پروگرام ہول سیل اور ریٹیل، تعلیم و تربیت، مارکیٹنگ اور میڈیا خدمات، مینوفیکچرنگ، ای کامرس اور جدت جیسے شعبوں کا احاطہ کرتے ہیں، اور ان میں قرض و فنانسنگ، قرض دینے والے اداروں کی مالی سہولیات، سرمایہ کاری اور آپریشنز کے موضوعات بھی شامل ہیں۔