ጥምረቱ አሸባሪውን የሁቲ ቡድን በባሕላዊ ጀልባዎች የጦር መሣሪያ ከማሸጋገር አስጠነቀቀ

በየመን ሕጋዊ መንግሥትን የሚደግፈው ጥምረት የጋራ ኃይሎች ዕዝ አሸባሪው የሁቲ ቡድን እንደ ዛሚያ፣ ሁሪ፣ ጀልባ እና ሰንቡቅ ያሉ ባሕላዊ ጀልባዎችን ተጠቅሞ የጦር መሣሪያዎችን፣ ሚሳይሎችን እና ወታደራዊ ቁሳቁሶችን በባሕር በኮንትሮባንድ እንዳያጓጉዝ አስጠንቅቋል።

እንደ ዕዙ ገለጻ ይህ ተግባር የየመንን ብቻ ሳይሆን የቀጣናውንና የዓለም አቀፉን ደኅንነት የሚያሰጋ ሲሆን የሲቪሎችን ሕይወትና ደኅንነትም አደጋ ላይ ይጥላል።

ዕዙ የእነዚህ ጀልባዎች ባለቤቶች በሙሉ ሕይወታቸውንና ንብረታቸውን ለመጠበቅ ሲሉ ወደ የየመን ዳርቻዎች የጦር መሣሪያ በማሸጋገር ረገድ ከሁቲ ሚሊሻ ጋር ምንም ዓይነት ግንኙነት እንዳያደርጉ ጥሪ አቅርቧል።