የሳዑዲ ዓረቢያ የዜጎች ሂሳብ ፕሮግራም ዛሬ ማመልከቻቸው የተሟላ ተጠቃሚዎች ሂሳብ ውስጥ የኦክቶበር ወር ድጋፍ የሆነውን 3.1 ቢሊዮን ሪያል አስገብቷል። በዚህ የፕሮግራሙ መቶ ሰባተኛ ክፍያ የብቁነት መስፈርቶችን ያሟሉ ተጠቃሚዎችና ጥገኞች ቁጥር ከ9.9 ሚሊዮን በላይ ደርሷል።

የፕሮግራሙ የኮሙኒኬሽን ዋና ዳይሬክተር አብዱላህ አል-ሃጅሪ እንደገለጹት፣ ፕሮግራሙ ከተጀመረበት ጊዜ አንስቶ ለተጠቃሚዎች የተከፈለው ጠቅላላ ገንዘብ ከ293 ቢሊዮን ሪያል በላይ ሲሆን ከዚህ ውስጥ 2.9 ቢሊዮን ሪያል ለቀደሙ ክፍያዎች ካሣ ሆኖ የተከፈለ ነው።

በዚህ ክፍያ 72 በመቶ የሚሆኑት ተጠቃሚዎች ድጋፍ ያገኙ ሲሆን ለአንድ ቤተሰብ የተሰጠው አማካይ ድጋፍ 1,469 ሪያል መሆኑን አብራርተዋል።

አል-ሃጅሪ አክለውም በዚህ ክፍያ ተጠቃሚ የሆኑ የቤተሰብ ኃላፊዎች ቁጥር ከሁለት ሚሊዮን በላይ ሲሆን ይህም 84 በመቶ እንደሚሸፍን፣ የጥገኞች ቁጥር ደግሞ ከ7.5 ሚሊዮን በላይ መሆኑን ገልጸዋል።