በሐጅ ወቅት በመካና በቅዱሳን ቦታዎች መስጊዶች በአዛንና በኢቃማ መካከል ያለው ጊዜ 5 ደቂቃ ሆነ

የእስልምና ጉዳዮች፣ የዳዕዋና የመመሪያ ሚኒስትርና የሚኒስቴሩ የሐጅ፣ የዑምራና የዚያራ ሥራዎች ዋና ተቆጣጣሪ ሼክ ዶ/ር አብዱልለጢፍ ቢን አብዱልአዚዝ አል ሼክ በመካ ክልል ለሚገኘው የሚኒስቴሩ ቅርንጫፍ መመሪያ ሰጥተዋል።

መመሪያው በ1447 ሂጅራ የሐጅ ወቅት ሐጃጆች በሚጠቀሙባቸው በቅድስቲቱ መካ፣ በማዕከላዊው አካባቢና በቅዱሳን ቦታዎች (መሻዒር) የሚገኙ መስጊዶች ኢማሞችና ሙአዚኖች በአዛንና በኢቃማ መካከል ያለውን የጥበቃ ጊዜ እንዲያሳጥሩ ያዛል።

በዚህ መሠረት ለፈጅር ሶላት ጊዜው 15 ደቂቃ፣ ለዙህር፣ ለዐስር፣ ለመግሪብና ለዒሻእ ሶላቶች ደግሞ 5 ደቂቃ ሆኗል። የጁምዓ ኹጥባና ሶላት በአንድነት ከ15 ደቂቃ መብለጥ የለባቸውም።

ውሳኔው በማዕከላዊው አካባቢና በቅዱሳን ቦታዎች እየጨመረ የመጣውን የሰው ብዛት ከግምት ያስገባ ሲሆን፣ የሚኒስቴሩ የሐጅ ወቅት የሥራ ዕቅድ አካል ነው። ዓላማውም መጨናነቅን መቀነስ፣ በመስጊዶችና በዙሪያቸው የሰጋጆችን እንቅስቃሴ ማቀላጠፍና በከፍተኛ የሰዎች ብዛት ሰዓታት በሐጃጆች ላይ ያለውን ጫና ማቃለል ነው።