سعودی خبر رساں ایجنسی (ایس پی اے) کے مطابق وزارت اسلامی امور، دعوت و ارشاد نے مکہ مکرمہ ریجن میں اپنی شاخ اور اس کے شعبۂ انفارمیشن ٹیکنالوجی کے ذریعے بڑی مساجد اور مرکزی علاقے کی مساجد میں 500 اسمارٹ اسکرینز فراہم کی ہیں۔

یہ اقدام حج 1447ھ کے دوران حجاج اور معتمرین کی خدمت میں جدید ٹیکنالوجی کے استعمال سے متعلق وزارت کی کوششوں کا حصہ ہے، جس کا مقصد رہنمائی کی خدمات کو مضبوط بنانا ہے۔

وزارت کے مطابق ان اسکرینز کے ذریعے حجاج و معتمرین کو رہنمائی ملے گی اور وہ متعدد زبانوں میں رہنما کتب، حج سے متعلق الیکٹرانک ایپلی کیشنز اور وزارت کے سرکاری رابطہ ذرائع تک رسائی حاصل کر سکیں گے، تاکہ مستند شرعی اور رہنمائی پر مبنی معلومات آسانی سے دستیاب ہوں۔

یہ اقدام ڈیجیٹل تبدیلی کے اہداف کا حصہ ہے اور مختلف قومیتوں اور ثقافتوں سے آنے والے حجاج کی ضروریات کے مطابق مساجد میں رہنمائی کے معیار کو بہتر بنانے کے لیے ہے۔ عربی نہ جاننے والے زائرین کے لیے اپنی زبان میں فوری معلومات ملنا خاص طور پر مددگار ہے۔