የሳዑዲ አረቢያ የአገር ውስጥ ጉዳይ ሚኒስቴር ያለ ፈቃድ (ተስሪሕ) ሐጅ ሲያደርግ ወይም ለማድረግ ሲሞክር የሚያዝ ማንኛውም ሰው እስከ 20,000 ሪያል የገንዘብ ቅጣት እንደሚጣልበት አስታውቋል።

ሚኒስቴሩ እንደገለጸው ሕገ ወጥ በሆነ መንገድ ወደ ሐጅ ለመግባት የሚሞክሩ ነዋሪዎችና የቪዛ ጊዜያቸውን አሳልፈው የቆዩ ሰዎች ወደ አገራቸው ይመለሳሉ፤ ለ10 ዓመታትም ወደ መንግሥቱ እንዳይገቡ ይታገዳሉ። እነዚህ ቅጣቶች ከዙልቂዕዳ ወር የመጀመሪያ ቀን ጀምሮ እስከ ዙልሒጃ 14ኛው ቀን መጨረሻ ድረስ ተፈጻሚ ይሆናሉ።

ሚኒስቴሩ ሁሉም ሰው የ1447 ሂጅራ የሐጅ ወቅትን የሚመለከቱ መመሪያዎችን እንዲያከብርና ለሐጃጆች ደኅንነት ከሚመለከታቸው አካላት ጋር እንዲተባበር ጥሪ አቅርቧል፤ ደንቡን የሚጥሱ ሕጋዊ ቅጣት እንደሚጠብቃቸውም አስጠንቅቋል።

ጥሰቶችን ለማሳወቅ በመካ፣ በመዲና፣ በሪያድና በምሥራቃዊ ክልል 911፣ በሌሎች የመንግሥቱ ክልሎች ደግሞ 999 መደወል እንደሚቻል ሚኒስቴሩ ገልጿል።

ይህ ማስጠንቀቂያ የማባረርና የመግቢያ እገዳ ድንጋጌው በቀጥታ ነዋሪዎችንም ስለሚመለከት በሳዑዲ ለሚኖሩ ኢትዮጵያውያን በተለይ ጠቃሚ ነው።