اسلامی جمہوریہ پاکستان کے وزیراعظم محمد شہباز شریف نے سعودی عرب پر دہشت گرد حوثی ملیشیا کے مسلسل دہشت گرد حملوں کی شدید الفاظ میں مذمت کی ہے، جن میں ریاض کے کنگ خالد بین الاقوامی ہوائی اڈے اور ابہا بین الاقوامی ہوائی اڈے کو نشانہ بنایا گیا اور ان حملوں میں عام شہری جاں بحق اور زخمی ہوئے۔

وزیراعظم نے متعدد بیلسٹک میزائلوں کو فضا میں ناکارہ بنانے میں سعودی مسلح افواج کی چوکسی اور پیشہ ورانہ مہارت اور شہریوں کے تحفظ اور مملکت کی سلامتی کے لیے ان کی کوششوں کو سراہا۔ انہوں نے کہا کہ پاکستان سعودی قیادت اور عوام کے ساتھ مضبوطی سے کھڑا ہے اور مکہ مشترکہ دفاعی معاہدے اور اس کے تحت قائم اسٹریٹجک سیاسی و دفاعی کمیٹی کے حالیہ فیصلوں کا پابند ہے۔

شہباز شریف نے اپنے عوام، شہروں اور اہم تنصیبات کے دفاع کے سعودی عرب کے جائز حق کی پاکستان کی جانب سے مکمل حمایت کا اعادہ کیا اور دہشت گرد حوثی ملیشیا سے مطالبہ کیا کہ وہ اپنے حملے فوری طور پر بند کرے۔