የሳዑዲ ፕሬስ ኤጀንሲ (SPA) እንደዘገበው፣ የአገር ውስጥ ጉዳይ ሚኒስቴር የኤሌክትሮኒክ መድረክ የሆነው «አብሸር» ባለፈው 2025 ዓመት ለአብሸር ግለሰቦችና ለአብሸር ንግድ ተጠቃሚዎች በድምሩ 448,243,708 የኤሌክትሮኒክ ግብይቶችን አከናውኗል።

በአብሸር ግለሰቦች በኩል 417,370,816 ግብይቶች የተከናወኑ ሲሆን ከእነዚህም ውስጥ 331,480,864 የሚሆኑት በዲጂታል ሰነዶች ቦርሳ አማካኝነት ሰነዶችን የማየት ግብይቶች ናቸው። ይህ ቦርሳ በአብሸር መተግበሪያ ለዜጎች፣ ለነዋሪዎችና ለጎብኚዎች ክፍት ነው። በአብሸር ንግድ ደግሞ 30,872,892 ግብይቶች ተመዝግበዋል።

ለሕዝብ ደኅንነት ዋና ዳይሬክቶሬት አገልግሎቶች 40,905,604 ግብይቶች የተፈጸሙ ሲሆን ከእነዚህ 39,542,792 የሚሆኑት የትራፊክ መምሪያ አገልግሎቶች ናቸው። ለፓስፖርት ዋና ዳይሬክቶሬት (ጀዋዛት) አገልግሎቶች 28,830,048፣ ለሲቪል ጉዳዮች ኤጀንሲ አገልግሎቶች ደግሞ 6,504,002 ግብይቶች ተከናውነዋል።

በአብሸር ግለሰቦች አጠቃላይ አገልግሎቶች በኩል በአብሸር ሪፖርቶች አገልግሎት 1,303,982 ሪፖርቶች የተሰጡ ሲሆን ስለ አሻራ 41,438 አጠቃላይ ጥያቄዎች ቀርበዋል።

ሚኒስቴሩ በአብሸር በኩል የሰጣቸው የተዋሐዱ ዲጂታል መታወቂያዎች ቁጥር ከ32 ሚሊዮን በልጧል። በእነዚህ መታወቂያዎች በአብሸር ግለሰቦች፣ በአብሸር ንግድና በአብሸር መንግሥት የሚኒስቴሩን አገልግሎቶች በቀላሉና በአስተማማኝ ሁኔታ ማግኘት የሚቻል ሲሆን በብሔራዊ የተዋሐደ መግቢያ መድረክ «ነፋዝ» አማካኝነት ከ1,140 በላይ የመንግሥትና የግል ተቋማትን መድረስ ይቻላል።

በሳዑዲ አረቢያ ለሚኖሩ የውጭ አገር ዜጎች የፓስፖርት፣ የትራፊክና የሰነድ ጉዳዮችን ጨምሮ ብዙ የዕለት ተዕለት ሥራዎች በእነዚህ ዲጂታል መንገዶች ይከናወናሉ።