የሳዑዲ ቀይ ጨረቃ ባለሥልጣን የምሥራቃዊ ግዛት ቅርንጫፍ የኦገስት 2026 ስታቲስቲክስን ይፋ አድርጓል። የሳዑዲ ዜና አገልግሎት (SPA) እንደዘገበው የቅርንጫፉ የሕክምና ማስተላለፊያና የአምቡላንስ ኦፕሬሽን ማዕከል ሪፖርቶችንና ጥያቄዎችን ያካተቱ 38,439 ጥሪዎች የደረሱት ሲሆን፣ ከእነዚህም 13,040 የአምቡላንስ ጥሪዎች ምላሽ አግኝተዋል።

ቅርንጫፉ እንደገለጸው የአምቡላንስ ቡድኖች በቦታው ተገኝተው 10,420 ጉዳዮችን አስተናግደዋል። ከእነዚህ ውስጥ 6,942 ታካሚዎች ወደ ሆስፒታሎች የተወሰዱ ሲሆን፣ 3,478 ሰዎች ደግሞ በልዩ ቡድኖቹ ግምገማ መሠረት ወደ ሆስፒታል መወሰድ ሳያስፈልጋቸው በቦታው የድንገተኛ ሕክምና አግኝተዋል።

ቅርንጫፉ ማንኛውም ድንገተኛ አደጋ ሲያጋጥም ወዲያውኑ በ997 በመደወል የአምቡላንስ አገልግሎት እንዲጠየቅ አሳስቧል።

በምሥራቃዊ ግዛት ለሚኖሩ ኢትዮጵያውያንና ሌሎች ነዋሪዎች ይህን ቁጥር ማስታወስ ጠቃሚ ነው፤ በቀጥታ ከአምቡላንስ ኦፕሬሽን ማዕከሉ ጋር ያገናኛልና።