سعودی پریس ایجنسی کے مطابق نجران ریجن نے خوشی، فخر اور وطن سے محبت کے جذبات کے ساتھ سعودی قومی دن منایا۔

نجران شہر اور ریجن کی گورنریٹس قومی پرچموں اور سبز رنگ سے مزین ہو گئیں، جبکہ چوراہوں، سڑکوں اور عمارتوں کو روشنیوں، بورڈز، فنی ماڈلز اور قومی عبارات سے سجایا گیا۔

پارکوں، باغات اور عوامی چوکوں کو شہریوں اور زائرین کے استقبال کے لیے تیار کیا گیا تاکہ وہ وطن کی خوشی میں شریک ہو سکیں اور اس عزیز موقع پر اپنے فخر کا اظہار کر سکیں۔

ایس پی اے کے مطابق قومی دن پر شہریوں کی خوشی وطن سے وابستگی اور وفاداری کے جذبات کی عکاس تھی، اور اس میں اپنے ملک، دانشمند قیادت اور ترقیاتی و تہذیبی کامیابیوں پر فخر بھی جھلکتا تھا۔

نجران میں مقیم پاکستانی اور دیگر کمیونٹیز کے خاندانوں کے لیے بھی سجے ہوئے پارک اور عوامی مقامات جشن میں شرکت کا موقع بنے۔