سعودی پریس ایجنسی (ایس پی اے) کے مطابق سعودی عرب کے ولی عہد اور وزیر اعظم شہزادہ محمد بن سلمان بن عبدالعزیز آل سعود نے وفاقی جمہوریہ نائیجیریا کے صدر اور مسلح افواج کے سپریم کمانڈر بولا احمد ٹینوبو کو ان کے ملک کے یومِ آزادی کے موقع پر تہنیتی پیغام ارسال کیا ہے۔

ایس پی اے کے مطابق ولی عہد نے اپنے پیغام میں صدر ٹینوبو کو دلی مبارکباد پیش کی اور ان کی اچھی صحت اور خوشی کے لیے نیک تمناؤں کا اظہار کیا۔ انہوں نے برادر ملک نائیجیریا کی حکومت اور عوام کے لیے مزید ترقی اور خوشحالی کی دعا بھی کی۔

قومی مواقع پر اس طرح کے تہنیتی پیغامات سعودی عرب کی سفارتی روایت کا حصہ ہیں اور دونوں ممالک کے درمیان خوشگوار تعلقات کی عکاسی کرتے ہیں۔