የሳዑዲ ማኅበራዊ ዋስትና ድርጅት ገዥ በዩናይትድ ኪንግደም ስለ ትብብርና ኢንቨስትመንት ተወያዩ

የሳዑዲ አረቢያ የማኅበራዊ ዋስትና ጠቅላላ ድርጅት (GOSI) ገዥ አብዱልአዚዝ ቢን ሐሰን አል-ቡግ የመሩት ልዑክ በዩናይትድ ኪንግደም ያደረገውን ጉብኝት አጠናቋል። በጉብኝቱ ከብሪታንያ የመንግሥት መሥሪያ ቤቶችና ተቋማት ኃላፊዎች ጋር በዋስትና ጥበቃ ትብብር፣ በልምድ ልውውጥ፣ የማኅበራዊ ዋስትና ሥርዓቶችን ብቃትና ዘላቂነት በማሳደግ እንዲሁም በሳዑዲ ገበያ ስላሉ የኢንቨስትመንት ዕድሎች ውይይት ተካሂዷል።

ገዥው በፋይናንስ አገልግሎትና ኢንቨስትመንት ላይ በተዘጋጀው የሳዑዲ-ብሪታንያ የክብ ጠረጴዛ ውይይት ተሳትፈዋል። በውይይቱ ሐሳና ኢንቨስትመንት ኩባንያ፣ ኡሱል ኢንተግሬትድ ሪል እስቴት ኩባንያ እንዲሁም ፊውቸር ግሮውዝ ካፒታል፣ L&G እና M&G ን ጨምሮ የብሪታንያ ኩባንያዎች ተወካዮች ተገኝተዋል።

አል-ቡግ ከብሪታንያ የግምጃ ቤት የኢኮኖሚ ጉዳዮች ሚኒስትር ዴኤታ ሉሲ ሪግቢ ጋር ተገናኝተው በማኅበራዊ ዋስትናና በፋይናንስ ዘላቂነት ዙሪያ የሁለትዮሽ ትብብርን ለማጠናከር ተወያይተዋል።

በተጨማሪም ከባርክሌይስ አውሮፓ ዋና ሥራ አስፈጻሚ ፍራንቼስኮ ቼካቶ ጋር ስለ ማኅበራዊ ዋስትና ሞዴሎች ዕድገትና ስለ ዋስትና ፈንዶች አስተዳደር ተነጋግረዋል።

ድርጅቱ እንዳለው ጉብኝቱ ዓለም አቀፍ ግንኙነቶችን ለማስፋትና ዓለም አቀፍ ልምዶችን በመጠቀም የሳዑዲን የማኅበራዊ ዋስትና ሥርዓት ይበልጥ ቀልጣፋና ዘላቂ ለማድረግ የሚደረገው ጥረት አካል ነው።