የሳዑዲ የዜና አገልግሎት (SPA) እንደዘገበው የአገር ውስጥ ጉዳይ ሚኒስቴር የሲቪል ጉዳዮች ኤጀንሲ ተንቀሳቃሽ ክፍሎች በመላው መንግሥቱ በ54 ቦታዎች ለወንዶችና ለሴቶች አገልግሎት እየሰጡ ነው። ሥራው ለመንግሥትና ለግል ተቋማት በሚሰጠው «ወደ እናንተ እንመጣለን» ተነሳሽነትና ከሲቪል ጉዳዮች ቢሮዎች ርቀው ለሚገኙ አውራጃዎች፣ ማዕከላትና መንደሮች በሚሰጠው «መውጁዲን» ተነሳሽነት ሥር የሚከናወን ነው።

በቃሲም ክልል ክፍሎቹ በዑነይዛ፣ በአል-ዐማር፣ በዑዩን አል-ጂዋ፣ በአል-ሺማሲያ፣ በአል-ሚዝነብ፣ በአል-ኸብራ፣ በአል-ራስና በቡረይዳ በአብዛኛው በትምህርት ቤቶች ከአንድ እስከ ሦስት ቀን አገልግሎት ይሰጣሉ። በዐሲር ክልል በኸሚስ ሙሻይት፣ በሙሐይል ዐሲር፣ በአብሃ፣ በቢሻ፣ በአል-ቢርክና በዋዲ ዘይድ ትምህርት ቤቶች ይገኛሉ።

በአል-ባሓ ክልል (አል-ዐቂቅ፣ አል-መንደቅ፣ አል-መኽዋ፣ ቂልዋና አል-ባሓ) እና በሓኢል ክልል (በቅዓ፣ አል-ጁሕፋና ሓኢል ከተማ) ክፍሎች እየሠሩ ነው። በመካ ክልል በሱደይራ ማዕከል፣ በብሔራዊ የሜትሮሎጂ ማዕከልና በጅዳ በሚገኘው የሳዑዲ ዓረቢያ አየር መንገድ (ሳዑዲያ) ዋና መሥሪያ ቤት አገልግሎት ይሰጣል።

በምሥራቃዊ ግዛት በሐፍር አል-ባጢን ለሴቶች፣ በመዲና ክልል ደግሞ በጦር ኃይሎች ሆስፒታል፣ በንጉሥ ፈይሰል ስፔሻሊስት ሆስፒታልና በአል-ሓናኪያ በሚገኝ ትምህርት ቤት አገልግሎቱ ይገኛል። ሌሎች ቦታዎች በአል-ጀውፍ ክልል አል-ቁረያት፣ በሰሜናዊ ድንበር ክልል ረፍሓና ጡረይፍ፣ በታቡክ የንጉሥ ዐብዱልዐዚዝ ትምህርት ቤቶች (ለአንድ ሳምንት) እና የነጅራን ዩኒቨርሲቲ (ለወንዶች ሦስት ቀን፣ ለሴቶች ሁለት ቀን) ናቸው።

ተንቀሳቃሽ ክፍሎቹ እንደ ብሔራዊ መታወቂያ ካርድ ማውጣት፣ ማደስና የተበላሸ ካርድን መተካት ያሉ የሲቪል መዝገብ አገልግሎቶችን ይሰጣሉ። ኤጀንሲው እንዳለው እነዚህ አገልግሎቶች ለወንዶችም ለሴቶችም ምቹ ሲሆኑ የተጠቃሚዎችን ጊዜና ድካም ይቀንሳሉ።